ജെബെലലിയില്‍ മൂന്ന് പണികളുണ്ടായിരുന്നു.
പണി തീര്‍ന്നപ്പോള്‍ റോള്‍ബോളില്‍ പോയി. അവിടെ വച്ച്, ശ്രീ. ശ്രീ. അലി സാദയെ കണ്ടു.
പത്തുകൊല്ലത്തോളമായി, എന്റെ സ്വന്തം അക്കൌണ്ടായിരുന്നു. ആളുടെ ഷിപ്മെന്റിന്റെ ഏ റ്റു സെഡ് ഞാന്‍ ഉണ്ടാക്കി വച്ച സിസ്റ്റവും സെറ്റപ്പുമാണ്.
എന്തൊരു തങ്കപ്പെട്ട മനുഷ്യാനാണയാള്‍! രണ്ട് പാര്‍ട്ട്ണര്‍മ്മാര്‍ ചേര്‍ന്നാണ് ബിസിനസ്സ് ചെയ്യുന്നത്. സ്കൂളില്‍ ഒരുമിച്ച് പഠിച്ച് പിന്നെ ഒരുമിച്ച് ബാങ്കില്‍ ജോലി ചെയ്ത്, പിന്നീട് ഒരുമിച്ച് ബിസിനസ്സ് ചെയ്തു തുടങ്ങിയത്രേ. ഇന്‍ഡസ്ട്രിയല്‍ യൂസിനുള്ള വളരെ ഫേയ്മസ്സായ ഒരു ബ്രാന്റിന്റെ ഇറാനിലെ സോള്‍ ഡിസ്ട്രിബ്യൂട്ടേഴ്സാണവര്‍. ഓരോ രണ്ട് മാസത്തിലും രണ്ട് മില്യണ്‍ യൂറോയുടെ സാധനങ്ങളാണ് കയറ്റി കൊണ്ട് പോകുന്നത്. സായിദ് എന്നാണ് കൂട്ടുകാരന്റെ പേര്‍. ഭയങ്കര ചിരിയാണ്. ആളും ഭയങ്കര രസം കക്ഷിയാണ്.
ഒരു ദിവസം ആള്‍ടെ ഷാര്‍ജ്ജയില്‍ ഓഫിസില്‍ പോയപ്പോള്‍, ചേട്ടായി അവരുടെ ഫ്രിഡ്ജിലെ ഫ്രീസര്‍ തുറന്നപ്പം ഞാന്‍ ചിരിച്ച് മരിച്ചു. ഫ്രീസറില്‍ നിറയെ പല പല ബ്രാന്റ് ഐസ് ക്രീമുകള്‍ . ഭയങ്കര ഇഷ്ടാത്രെ!!
വല്യ കോപ്പയില്‍ ഒരു തൂമ്പക്ക് ഐസ് ക്രീം കോരിയിട്ട്, കൂട്ടുകാര്‍ രണ്ടു പേരും മട മടാന്ന് ആണ് സാധനം കഴിക്കുന്നത്.
ആരോടും കടുപ്പിച്ച് സംസാരിക്കില്ല. കെലുപ്പേയില്ല. എപ്പോഴും വളരെ സപ്പോര്‍ട്ടിങ്ങ് സെറ്റപ്പിലേ സംസാരിക്കൂ. റിക്വസ്റ്റിന്റെ ഭാഷയേ ഉള്ളു. ഒരു പരാതിയുമില്ല. ‘ഇങ്ങേരെ പോലെയാവണം‘ എന്ന് വരെ തോന്നിപ്പോകും!
ഞാന്‍ ഫാമിലിയെ നാട്ടിലേക്ക് വിടുകയാണെന്ന് പറഞ്ഞപ്പോള്‍ ഷാര്‍ജ്ജയില്‍ ആള്‍ടെ ഫ്ലാറ്റില്‍ വന്ന് താമസിച്ചോ, ഞാന്‍ രണ്ട് മാസത്തില്‍ രണ്ട് ദിവസമേ വരൂ. എന്ന് പറഞ്ഞു. നമ്മള്‍ ആള്‍ടെ ഫ്ലാറ്റില്‍ പോയി താമസിക്കണ കേസില്ല, എങ്കിലും ആള്‍ പറഞ്ഞതില്‍ എനിക്ക് സന്തോഷം.
പഴയ ജി.എം. മൂപ്പനെ കണ്ടിരുന്നു. ആളുടെ ഡെസ്കിലിപ്പം ചായ ചൂടോടെയിരിക്കാന്‍ ഒരു സുനാപ്പി കൊണ്ട് വന്ന് വച്ചിട്ടുണ്ട്. ഫുള്‍ ടൈം കട്ടന്‍ ചായ കുടിച്ചിരിപ്പാണ്. എനിക്കും തന്നു. ഒരു കുഞ്ഞ്യേ കപ്പ്. പാലം കുലുങ്ങിയാലും കേളന്‍ കുലുങ്ങില്ല എന്ന റോളില്‍ തന്നെയാണ് ഇരിപ്പ്.
വെയര്‍ഹൌസ് ഇന്റോര്‍ സ്റ്റേഡിയം പോലെ കാലിയായാ കിടക്കുന്നത്. വെറും 8 മാസം മുന്‍പ് സ്റ്റോര്‍ ചെയ്യാന്‍ സ്പേയ്സ് ഇല്ലാത്തതുകൊണ്ട് 6 ഫോര്‍ട്ടി ഫൂട്ട് കണ്ടെയ്നര്‍ സാംസങ്ങ് ലാപ്റ്റോപ്പ് തിരിച്ച് വിട്ടതാ!!
സംഭവിച്ചത് എല്ലാം നല്ലതിനാണ്. എനിക്ക് ഇതിലും നല്ലൊരു സ്മൂത്ത് എക്സിറ്റ് കിട്ടാനില്ല അവിടെ നിന്ന്. റിയേലി ലവ്ഡ്. പത്ത് കൊല്ലം തികച്ചപ്പോള്‍ പട്ടും വളയും തന്നാദരിച്ചതാണ്. പതിനാലു കൊല്ലം ഒരേ കമ്പനിയില്‍ നിന്ന് 14 വര്‍ഷത്തെ ഉത്തരവാദിത്വങ്ങള്‍! അതെന്നെ ടെന്‍ഷനടിപ്പിച്ചിരുന്നു, ഒരുപാട്.
ഇങ്ങിനെയൊരു സ്മൂത്തായ എക്സിറ്റ് ഉണ്ടാകുമെന്ന് കരുതിയില്ല. ദൈവം നമുക്ക് സപ്പോര്‍ട്ടുമായി കൂടെ തന്നെ നടക്കുന്നുണ്ട്!
ജി.എമ്മിനോട് കുറെ നേരം സംസാരിച്ചു. സംഗതി ആളുടെ ചില നയങ്ങളോട് നമുക്ക് അഭിപ്രായവ്യത്യാസം ഉണ്ടെങ്കിലും വ്യക്തിപരമായി ആളോട് ഒരു കൊച്ചച്ചന്‍ ഫീല്‍ ഉണ്ടെനിക്ക്.
നാലുമണിക്ക് തിരിച്ച് പോന്നു. അഞ്ചേമുക്കാലിന് ഇറങ്ങി. ജെബെല്‍ അലിയില്‍ കുറെ നടന്നതുകാരണം, ഭയങ്കരായി ടയേഡായിപ്പോയി. സോ, നേരെ വീട്ടില്‍ പോയി.
ഒമ്പതരക്ക് സോനയേം കൂട്ടി കസ്ബ കനാലിന്റെ സൈഡില്‍ നടക്കാന്‍ പോയി. നാട്ടില്‍ പോയാല്‍ ചെയ്യേണ്ട കാര്യങ്ങളെ കുറിച്ച് പറഞ്ഞു. അവള്‍ ടീ.വി.യില്‍ അലങ്കാര കോഴികളെ പറ്റി കണ്ടത് പറഞ്ഞു. ഫുഡ്ബോള്‍ ഷേപ്പിലുള്ള കോഴികള്‍ വരെയുണ്ടത്രേ. ‘എന്നാ ഒരു ജോഡി നമുക്കും വാങ്ങാടീ...‘ എന്ന ആഗ്രഹം, ‘ജോഡിക്ക് പതിനായിരം രൂപ വിലയാ... ഇനി വാങ്ങണോ?‘ എന്ന അവളുടെ ഡയലോഗ് കേട്ട്, ‘പതിനായിരം രൂപക്ക് ഒരു എരുമയെ കിട്ടും, അത് വാങ്ങാം’ എന്ന് പറഞ്ഞ് ചിരിച്ചു.
അവിടെ നിന്ന് പിള്ളേര്‍ക്ക് ഒരു സ്മോള്‍ പോപ് കോണ്‍ വാങ്ങി തിരിച്ച് പോന്നു. അഞ്ച് ദിര്‍ഹം!
Subscribe to:
Post Comments (Atom)
:) എന്നും വായിക്കുന്നുണ്ട്, കമന്റിയിട്ടില്ല എന്നെ ഉള്ളു ..
ReplyDelete