കഴിഞ്ഞ ജന്മത്തില്‍ ഞാന്‍ ആഫ്രിക്കയിലെങ്ങാണ്ടുള്ള ഒരു ലേഡി ഡോക്ടറായിരുന്നെന്നും അവര്‍ അറുപത്തേഴാം വയസ്സില്‍ ഏതോ റോഡപകടത്തില്‍ പെട്ട് മരിച്ച് പിന്നീട് കൊടകരയില്‍ ഞാനായി പുനര്‍ജ്ജനിക്കുകയായിരുന്നു എന്നൊക്കെ ഏതോ ഒരു വെബ്സൈറ്റില്‍ നിന്നും അറിഞ്ഞതുമുതല്‍ എനിക്ക് ആഫ്രിക്കക്കാര്‍ കറപ്പന്മാരോട് പൊതുവേ ഇച്ചിരി സോഫ്റ്റ് കോര്‍ണറുണ്ട്.
കാതില് കൈതോല തിരുകി വച്ച്, മുടി കുരുകുരാന്ന് മെടഞ്ഞിട്ട്, കല്ലും‌മാല മാറിലണിഞ്ഞ് ഉള്ളില്‍ സ്വപ്നം കണ്ടുനടക്കും (കട്:അപ്പഴും) ഇടിമന്തികളെ കണ്ടാല്‍ ഞാന്‍ നോക്കി നില്‍ക്കുന്നത് ആക്ച്വലി വേറെ ദുരുദ്ദേശങ്ങളൊന്നും വച്ചല്ല, ഞാന്‍ പെറ്റ ക്ടാങ്ങളോ എന്റെ ക്ടാങ്ങള്‍ടെ ക്ടാങ്ങളോ അല്ല എന്നാരു കണ്ടു??
ഹവ്വെവര്‍, ഈവക ഇന്‍ഫോര്‍മേഷന്റെ സൈഡ് എഫക്റ്റായിരിക്കണം, ആ സ്വപ്നത്തിന്റെ ബേസ്.
മൂത്രമൊഴിക്കാന്‍ പറ്റിയ സ്ഥലം നോക്കി നടന്നതായിരുന്നു ഞാന്‍. പക്ഷെ, എവിടെ നിന്നിട്ടും മൂത്രമൊഴിക്കാന്‍ പറ്റുന്നില്ല. അങ്ങിനെ നില്‍ക്കുമ്പോള്‍ കുറച്ചകലെയായി ഒരു വേലി. എനിക്ക് സന്തോഷമായി, യൂറിന്‍ പാസിന് ലോകത്തേറ്റവും നല്ല സ്ഥലം വെളിമ്പ്രദേശത്തെ വേലിയാണ്. അതിന്റെ സാറ്റിസ്ഫാക്ഷന്‍ പാലസില്‍ പോലും കിട്ടില്ല.
പക്ഷെ, ഒരു രക്ഷയുമില്ല.
Subscribe to:
Post Comments (Atom)
No comments:
Post a Comment